Evento: Moria

Elenco: Marta Vise e Ruth Sánchez.

Sinopse:

Este espectáculo conta a historia de dúas refuxiadas e as súas familias ás que non queda máis remedio que fuxir dos seus respectivos países.

A dramaturxia sostense a partir de testemuños reais filmados no campamento de Moria baixo a supervisión de Nicolás Castelán, reporteiro especializado durante os últimos vint anos en movementos migratorios forzosos e dereitos humanos.
Zohra Amiryar tivo que sobrevivir a catro bombardeos e atentados no seu país, Afganistan, perder ao seu irmán nun deles e ver como os seus catro fillos acababan feridos no último deses ataques para emprender o éxodo en busca dun refuxio para a súa familia. E Douaa Alhavatem unha trintañeira iraquí que tivo que abandonar o seu Bagdad natal despois da desaparición do seu marido por medo a que ela e os seus tres fillos puidesen correr a mesma sorte. Na viaxe, ela e os seus pequenos, dérono todo por perdido despois de 11 horas en alta mar sen sinal de ningún barco de rescate.

Ambas viven en Moria unha nova etapa de sufrimento que xamais imaxinaron que lle acontecese ao pisar chan europeo, o lugar no que creían que por fin se ían sentir seguras.
Un espazo común, onde lles acompañan infinidade de persoas descoñecidas, que tamén transitan polo peor momento das súas vidas.