Evento: Othello

Othello
sábado, 28 maio, 2022 - 20:00
Pazo da Cultura,
Narón
Espectáculo da compañía Voadora

Hai no relato de William Shakespeare unha historia de encontro, na que unha muller europea e un home africano namoran. Porén, contra o final do texto, ela morre asasinada por el.

​Othello é, asemade, vítima e verdugo. Sofre islamofobia e executa un feminicidio que nace dunha mentira. Unha mentira que, á súa vez, xorde da inseguridade e da crenza de entender, como propio, o que non se pode posuír.

Esta nova visión constrúese coa apertura do espazo íntimo, as conversas e accións do universo feminino a través das personaxes de Desdémona, Emilia e Bianca. Utilizando a comedia como xeradora de discurso sobre a dor e a raiba, preguntámonos qué podemos facer, desde o noso presente, para deter o tempo no relato. Xusto aquí:

​Non hai tempo, é tarde (estrangúlaa)

Elenco: Hugo Torres, Joaquín Abella, Ángel Burgos, Ana Esmith, Mary Paz Sayago, Chumo Mata.

Dirección: Marta Pazos

#BlackLivesMatter, #NiUnaMenos, #Posverdad e #FakeNews danse cita nunha historia escrita hai máis de 400 anos, pero que hoxe en día resulta próxima no tempo: En España, desde o ano 2013, morreron 1.053 mulleres asasinadas pola violencia machista.

 

 

 

Máis eventos do ciclo Rede galega de teatros e auditorios

Feminíssimas
30 de xuño, 20:30
Salón Teatro - Lalín - Pontevedra
Cigarreiras
29 de outubro, 20:30
Teatro Principal - Santiago de Compostela - A Coruña
Aibô
24 de marzo, 18:00
Casa da Cultura de Bertamiráns - Ames - A Coruña