Evento: #Camiños

sábado, 2 novembro, 2019 - 19:00
Cine Alovi
, As Pontes de García Rodríguez
Espectáculo de teatro a cargo da compañía ButacaZero

Despois de Voaxa e Carmín e Na butaca [fantasía nº3 en Dor Maior], ButacaZero, en coprodución co Centro Dramático Galego, embárcase na súa terceira produción: #camiños. Con esta peza, ButacaZero pecha unha triloxía sobre a memoria: histórica na primeira peza, individual na segunda e nesta última, #camiños, sobre a memoria dun pobo.

Partindo da idea desas aldeas que se baleiran cada día, dende ButacaZero queren reflexionar sobre o que se perde e o que se mantén deste pasado na vida diaria. Os tópicos galegos representan á xente ou non? Queren fuxir deles ou en realidade aférranse? Cal é a vida do pobo e que ten que ver coa imaxe estereotipada que de poden ter os de fóra? Que implica a emigración para Galicia dende o pasado e sobre todo no presente? Sobre todo isto reflexiona #camiños, unha peza de teatro moi físico na que a música folk convive coa electrónica, o step coas letras de Castelao, Rosalía ou Manuel María, e onde a rapsodia e as coreografías levan aos espectadores da comedia á traxedia pasando transitando sempre a ironía. Un aluvión escénico que fará que os espectadores non poidan ficar indiferentes.

Máis eventos do ciclo Rede galega de teatros e auditorios

Mai Mai
15 de decembro, 12:00
Sala Principal do Auditorio de Ourense
Queres que cho conte?
15 de decembro, 17:30
Auditorio Municipal Hernán Naval
Arlequina
15 de decembro, 18:00
Auditorio Municipal de Vilagarcía
Aguratrat!
15 de decembro, 18:00
Pazo da Cultura de Narón