Evento: A gaita na música tradicional galega
A gaita na música tradicional galega
A gaita na música tradicional galega
Exposición para profundar no coñecemento dun dos instrumentos de referencia da música galega
Mostra sobre a historia da gaita na música tradicional galega, na que se inclúen referencias aos cuartetos de Ponteareas e aos obradoiros de artesáns da zona. Está realizada en colaboración coa Asociación de Gaiteiros Galegos e co museo que xestiona este colectivo, a Casa da Gaita, situado en Viascón, Cotobade. A mostra consta de 10 paneis que repasan a historia da gaita desde a súa aparición nun formato rudimentario na antiga Mesopotamia no 2.000 a. C, ata a actualidade.
A inauguración é o sábado 23 de xuño, ás 12:30 horas, cun concerto do gaiteiro de Moaña Anxo Lorenzo.
A mostra pódese visitar de luns a domingo, de 10:30 a 13:30 horas e de 17:00 a 20:00 horas.
