Evento: Galicia universal

A Cidade da Cultura acolle  a mostra máis ambiciosa realizada nos últimos anos sobre arte galega. Por primeira vez poderán ser vistos nunha mesma exposición 192 obras dos artistas galegos máis relevantes dos últimos 150 anos, como son  Jenaro Pérez Villaamil, Fernando Álvarez Sotomayor, Urbano Lugrís, Francisco Lloréns, Serafín Avendaño, Laxeiro, Virxilio Fernández, Manuel Colmeiro,  Julia Minguillón, Luís Seoane, Maruja Mallo ou Eugenio Granell, entre outros. 

Pintura, escultura, fotografía ou instalacións son os tipos de obras seleccionadas. Todas elas forma parte das coleccións de Abanca e Afundación. O obxectivo é que os asistentes podan contemplar o proceso de avance artístico en Galicia e a influencia e vocación internacionais. 

 A exposición é completada cun programa de actividades e visitas guiadas e didácticas para todos os públicos.