Evento: As lecturas de Granell

A Fundación Eugenio Granell presenta a exposición As lecturas de Granell, un proxecto comisariado por María Pita e Dolores Villaverde que propón un percorrido pola biblioteca persoal de Eugenio Granell e Amparo Segarra para afondar na relación entre literatura, pensamento e creación artística.
A mostra reúne unha selección de pezas orixinais, moitas delas únicas ou nunca antes expostas, que permiten achegarse á personalidade poliédrica de Granell como artista plástico, escritor, músico, activista político e exiliado. A exposición establece un diálogo entre os libros e a obra plástica do autor, explorando conceptos como surrealismo, arte, política, historia ou literatura.