Evento: A intimidade da imaxe. Anna Turbau. Galicia 1975–1979

Esta exposición peneira no arquivo fotográfico que Anna Turbau realizou entre 1975 e 1979 para presentar unha Galicia distinta a do discurso habitual. Turbau é pioneira na escolla das temáticas, en narrarse no acto de narrar, na independencia como actitude persoal e como linguaxe, nesa operación na corda frouxa que ten como albo construír unha obra pegada ao real. Talvez por iso se lle pode aplicar ao contexto no que fotografou, a Galiza de fins dos setenta, a opinión de Eco cando di que as vicisitudes do noso século (dos curtos anos setenta) están resumidas por poucas fotografías exemplares que fixeron época. 

Comisaria: Margarita Ledo Andión

Organiza: Consello da Cultura Galega