Evento: Os golfiños e o xigante

Os golfiños e o xigante
domingo, 20 setembro, 2020 - 18:00
Pazo da cultura
, Narón

Os golfiños e o xigante

Espectáculo infantil a cargo de Fantoches Baj

Os golfiños e o xigante é o nome do texto teatral co que Inacio Vilariño resultou gañador do Premio Barriga Verde para textos de teatro de títeres para público infantil.

Na década pasada Bao Si Shun foi considerado polo Récord Guiness o home máis alto do planeta, pero a verdadeira sona chegaríalle o día que conseguiu extraer, grazas ao seu longuísimo brazo, dúas boias de piscina do esófago dos golfiños, salvándoos así dunha morte certa. A noticia, publicada en todos os xornais do mundo, chamaba a atención, non tanto por ter salvado aos golfiños, que tamén, senón porque amosaba dun xeito moi gráfico a necesidade de aceptar cada un de nos a súa diferenza e de ser aceptados como somos.

 Baseada neste feito real Os golfiños e o xigante é unha fábula contada con sombras chinesas a modo de “road movie” onde Jiang, a adestradora do acuario, vai tras as pegadas de Bao Sishun por toda a rexión, obrigada a superar distintos atrancos. Nesta busqueda recibirá a axuda das persoas coas que se cruza no camiño, todas elas fascinadas pola personalidade xenerosa e entrañable do xigante, que lle irán dando pistas sobre o seu paradeiro. Finalmente atopa a Bao Sishun na súa aldea natal no deserto do Gobi como pastor de cabras aillado da vida social e da popularidade mediatica. Tras recoñecer as boas intencións da rapaza, Bao Sishun acepta ir o acuario tentar salvar os golfiños e, ao lograr extraer as boias do esofago dos golfiños e devolvelos a vida, consegue desatascar as súas emocións e aceptar a súa diferenza.

Esta fábula de superación con final feliz foi premio Barriga verde de textos para monicreques na súa modalidade infantil no 2016. Polo contexto chinés no que sucede a acción, a compañía plantexouse que as sombras eran unha técnica apropiada para contar esta historia, apoiándose na tradición chinesa do teatro de sombras (agora patrimonio da humanidade pola UNESCO) pero introducindo elementos de innovación no deseño de escenarios e marionetas, na multiplicidade de pantallas ou nas novas fontes de iluminación como linternas ou proxectores de transparencias. A música composta por Benxamín Otero tentará combinar a tradición oriental con sonoridades mais contemporáneas.

Elenco: Larraitz Urruzola, InacioVilariño e Luchi Iglesias

Máis eventos do ciclo Rede galega de teatros e auditorios

Contos con Roque
4 de agosto, 12:30
Praza da Constitución
Contos do recreo
4 de agosto, 21:00
Patio Colexio nº 1
Muiñada
8 de agosto, 12:30
Muíños
Pepe Vaamonde Trío
10 de agosto, 21:00
Praza da Constitución