Evento: Por feiras e mercados. Ver, mercar, vender...

Por feiras e mercados está composta por 60 fotografías en branco e negro e apóiase con varios documentos que amosan o xeito en que se organizaban as feiras e mercados a principios do século XX. As imaxes proceden de negativos propiedade do Arquivo Histórico Provincial de Lugo e van do ano 1914 ata 1986.

A mostra recupera o papel das feiras como impulsoras tanto da vida económica como social das vilas onde se celebraban, ao tempo que constitúe unha manifestación importante para a antropoloxía, pola rica información que se extrae acerca de tradicións, cultura popular ou arquitectura específica.

A mostra permanecerá aberta ata febreiro de 2018 e poderá visitarse na sala de exposicións do arquivo de luns a venres de 8:30 a 20:30