Evento: A Noite Branca

Museos abertos durante toda a noite, concertos e visitas guiadas son as actividades que centrarán A Noite Branca, unha xornada de apertura excepcional da Rede de Museos Municipais de Vigo. O Pazo-Museo Quiñones de León, o Verbum-Casa das Palabras, a pinacoteca Francisco Fernández del Riego, a Casa Galega da Cultura, a Casa das Artes, o MARCO-Museo de arte contemporánea de Vigo e o Museo Liste-Etnográfico de Vigo ampliarán durante o venres 11 de agosto o seu horario de apertura ata as 2 de madrugada. 

Os visitantes aos diferentes museos durante esa noite poderán escoller entre 37 visitas guiadas do máis diverso, dende as que seguirán o patrón das convencionais,  as que serán lúdicas ou as que incorporarán representacións; entre dez concertos diferentes, de distintas formación e artistas locais; ou entre 12 puntos de actividades diferentes. A xornada tamén será o momento da inauguración da exposición temporal na Casa das Artes baixo o título "Forever young".