Evento: Correa Corredoira. Os días pintados

Trátase da primeria gran exposición de 2017 na Fundación Seoane, unha retrospectiva de Xabier Correa Corredoira (A Coruña, 1952) que, por vez primeira, abrangue a súa produción pictórica e que permitirá amosar ao público un centenar de obras dun artista que formou parte de colectivos como Atlántica, ademais de iniciativas como Gruporzán e que resulta fundamental para entender a arte e a cultura desenvolvida en Galicia.

David Barro é o comisario desta exposición na que están presentes as imaxes e temas icónicos do artista: a maternidade, o erotismo, os mitos clásicos, a viaxe que realiza a México no ano 1979, as paisaxes, o mar, as crucifixións ou os seus célebres boxeadores.