Evento: Transeúnte

TRANSEÚNTE é un espectáculo no que brilla o diálogo entre a música, o canto e a danza tradicional coa danza contemporánea, e os seus contextos. Invita a mergullarse nunha experiencia multisensorial onde corpo, música e tecnoloxía se entrelazan para construír un contexto único, cunha visión xuvenil, fresca e actual da simbiose entre tradición e contemporaneidade. 

O termo “transeúnte” fai referencia a estar de paso, a non residir senón temporalmente nun lugar. Por iso, poñemos o foco na dualidade entre o permanente e o transitorio nos corpos da nosa xeración atravesados polo folklore e a tradición, integrando influencias do noso contexto actual.

TRANSEÚNTE reflexiona e potencia a relación das novas xeracións coa tradición e o folklore neste mundo globalizado no que aínda habita a sabedoría innata dos nosos instintos. Celebra a diversidad cultural, resalta a nosa conexión como seres humanos e invítanos a unha viaxe que honra o pasado, vive o presente e busca e abraza o futuro.

TRANSEÚNTE é un espectáculo coproducido polo Centro Coreográfico Galego.

Ficha artística

Autor e director: Daniel Rodríguez

Deseño son: Javier Carreño e Acacia Ojea.

Deseño iluminación: Mauricio Pérez Fayos

Vestiario: Sheila Pérez

Música: Aida Tarrío e Artur Puga

Coreografía: Daniel Rodríguez

Elenco artístico

Intérpretes: Javier de la Asunción, Andrea Pérez, Laura García e Daniel Rodríguez.

Músicos en directo: Aida Tarrío e Artur Puga.

Voz: Aida Tarrío e intérpretes.