Evento: Natureza e Cultura

As cancións de POI teñen unha temática centrada na protección da natureza e da cultura como alicerce fundamental da nosa sociedade.

Ademais da súa mensaxe protectora, as cancións de POI tamén inclúen elementos espirituais que che farán reflexionar.

POI é unha banda fundada no 2022 por Tonhito de Poi e Morqui por mor da gravación do disco IN-DEUS. Xunto con Pachi Cruz e Mr. Vieito, Morqui e Tonhito decatáronse da sorprendente sonoridade de POI e da sinfonía que creaban os catro artistas. Esta sonoridade foi bautizada polos propios intregantes da banda como son "Poi Floyd", un encontro entre o rock & roll, a música electrónica e o chamanismo. Os temas tratados nas súas cancións céntranse na espiritualidade e na defensa e homenaxe á Terra, Nai de todos, unha entidade que hai que protexer e coidar para que nos protexa e coide.