Evento: Guadi Galego - Síntese Horizonte

"Será pola roibén que aínda me sinto a salvo" (Antía Otero)

Vou atravesando etapas, dando paso a novos horizontes, sen esquecer que a vida vivida existiu e persiste en min.

O meu son muda ao longo do traxecto ,como muda o concepto de horizonte ao longo da historia. 

O horizonte foi límite, equilibrio entre o aquí e o máis alá, realidade , ensoñación, espiritualidade, utopía…

Fun aprendendo a desprenderme do establecido con cada disco, con cada espectáculo, ou se cadra dos arquetipos, dos cánones, ou do costume de "categorizar" como esixencia, para así deixarme  ir a novos confíns que me permitan seguir explorando o meu son.

É unha aposta pola propia evolución, aproveitando as posibilidades da sonoridade da banda, crendo na escoita como faro.

Medramos na construcción escénica das cancións e lanzámolas con ese poder transformador da música ao vivo, que nos confirma que seguimos vivas e en constante aprendizaxe.