Ler conta moito

Historias de medo, de amor, de sorpresa, de xigantes e ananos, bruxas e trasnos ou princesas e dragóns protagonizan esta sesión de contacontos para nenas e nenos de 4 a 11 anos. Por Pavís Pavós

Destinada á cativada de 0 a 3 anos, esta sesión de narración oral integra música en directo, literatura infantil, expresión dramática e tradición oral.  

Pablísimo presenta o seu novo e completo espectáculo, unha colección de relatos que amosan a grande variedade e riqueza da literatura infantil e a tradición oral. Nesta produción empréganse recursos como: sombras, monicreques, poemas numéricos, contos de nunca rematar, retahilas, brinquedos, cancións e narración oral. 

Para nenos e nenas de 3 a 9 anos. 

Neste obradoiro os nenos e nenas poderán coñecer a Alejandro de la Sota a través dunha experiencia plástica sobre contidos arquitectónicos, descubrindo os materiais e por que os edificios non se caen, ademais de crear a casa dos seus soños.

Ian & Elisa reunen maxia e sombras chinescas usando contos e fábulas como fio conductor facendo que grandes e pequenos disfruten dun fermoso e entretido espectáculo onde se fomenta o hábito da lectura como método para facer voar a imaxinación.

Actividade para nenos de entre 4 e 12 anos.

Quen non soñou esperto algunha vez? Ti, eu, todos nós poderíamos protagonizar estas historias imposíbeis, historias de nenas e nenos coas que viaxar a planetas afastados, medrar e encoller o noso tamaño, converternos en monstruosos dinosauros e xunto aos indios montar a cabalo.

Actividade para nenos e nenas de entre 4 e 11 anos.

Tring, tring, tring! Miska e Muska son grandes amigas unidas por unha paixón común: a bicicleta! Tras un inesperado reencontro, comezarán a rememorar historias que viviron xuntas; lembraranse de cando se coñeceron, nunha tola viaxe polo mundo; de Lolo, que aprendeu el só a ir en bici; da pita da tía Amelia, que quería uns patíns; e da peculiar carreira entre unha lebre e unha tartaruga.

Unha nova aventura dos Ratos de Lonxedetodo. O ciclo da vida e o respeto debido aos anciáns son os dous temas tratados neste espectáculo.

Adultos, mocidade e ata nenos e nenas de 4 a 12 anos son os públicos obxectivos desta actividade, Como un allo! (Trivial galego). Un xogo de mesa de preguntas e respostas sobre cultura xeral e lingua que desafiarán os coñecementos sobre Galicia dos xogadores. 

Pintando con Paul Klee é un obradoiro artístico. Os nenos e nenas coñecen o traballo deste mestre da pintura e realizan un deseño colectivo dun mural ou traballos máis pequenos baseándose nunha obra de Klee.

Obradoiro para nenos e nenas a partires de cinco anos.

Duración: 120 minutos.