Mentres traballa como repartidor de sushi, Antoine, un novo aspirante a rapero dos suburbios de París, coñece á Sra. Loiseau, unha eminente profesora da Ópera de París. Asombrada polo talento do novo, ela introdúceo no mundo da ópera e ofrécelle un posto como alumno seu.
Nelson Chamisa quere transformar Zimbabwe. A primeira campaña electoral da era post Mugabe convértese nun choque trepidante entre democracia e ditadura.
Biopic da lendaria cantante Aretha Franklin que segue a súa carreira desde a infancia, cando cantaba no coro da igrexa do seu pai, ata que conseguiu a súa enorme fama internacional.
Impecable biopic sobre Jackie Kennedy, no que vemos reflectidas as luces e as sombras da primeira dama máis famosa da historia. "Jackie" é interpretada por Natalie Portman, quen recibiu un nomeamento ao Óscar polo seu entregado traballo. Biopic sobre Jacqueline Kennedy, centrado nos días inmediatamente posteriores ao asasinato de JFK en 1963, que se constrúe a partir da entrevista que a primeira dama concedeu ao xornalista de LIFE Theodore H. White na súa residencia de Hyannis Port.
Biopic da escritora sueca Astrid Lindgren, creadora de Pippi Calzaslargas, que acabou converténdose nun fenómeno mundial para varias xeracións de nenos e adultos. Segundo confesións da propia Astrid, sábese que o nome de 'Pippi' concibiuno cando o seu fillo de sete anos, enfermo dunha infección pulmonar no inverno de 1941, pediulle que lle narrase, a fin de matar o aburrimento nas súas horas de peche, as aventuras dunha nena chamada "Pippi Calzaslargas".
Donde acaba la memoria percorre As Hurdes e a Residencia de Estudiantes para construír o retrato de Ian Gibson, detective literario que dedicou a súa vida a recuperar a memoria recente de España a través das biografías de tres dos seus xenios máis recoñecidos: Buñuel, Dalí e Lorca. A viaxe finaliza en Granada, onde, tras unha procura de 50 anos, Gibson está máis preto que nunca de atopar os restos de Lorca como símbolo de reconciliación dun país que se resiste a facer as paces co seu pasado.
Trazando un percorrido por unha vintena de romances fortuítos, Chantal Akerman mergúllase na noite bruxelesa para explorar a aceptación e o rexeitamento amoroso.
Documental que percorre a historia de Las Chillers, un grupo musical referente do underground madrileño e da defensa dos dereitos LGTBIQ+. Son seis mulleres que se xuntaron co fin de divertirse e pasalo ben e que acabaron liderando unha revolución a golpe de música, amor libre e boa onda. Decidiron facer a revolución bailando e lanzar unha mensaxe feminista e libre. O seu compromiso activista e a cirscunstancia política e social que existía deulles o impulso para converterse en artistas.
As historias que conforman o programa de curtametraxes de A illa das aves son un convite a conversar coa natureza desde a mirada curiosa de tres nenas que senten o impulso de desafiar os seus medos para achegarse ao descoñecido e aprender. Á súa vez, as tres nenas viven experiencias de inmersión en entornos naturais: unha illa chea de paxaros, un xardín comunitario e un bosque.
Unha nai solteira e un home casado convértense en amantes. Comprometéronse a verse só para unha aventura e a non ter ningunha esperanza de amor, conscientes de que a relación non ten futuro. Con todo, cada vez sorpréndense máis polo seu entendemento, a súa alquimia e o pracer de estar xuntos…
Tras As cousas que dicimos, as cousas que facemos, o director Emmanuel Mouret segue perfeccionando a arte da comedia romántica nesta película seleccionada en Cannes 2022 e que se converteu en todo un éxito en Francia.
