Proxección audiovisual

Esta é a historia de amizade de tres mozos italianos que deciden axudar a un deles a ter a súa primeira relación cunha moza. A súa misión non será fácil. Carlo e Alex queren axudar ao seu amigo Enea de 29 anos a achegarse ás mozas, aínda que non saben exactamente como facelo pois Enea é autista. Comezarán unha viaxe por toda Europa onde atoparán moito máis do que estaban a buscar.
Unha road movie italiana, alegre, sen complexos e fresca que recolle o espírito do neorrealismo e incorpórao ao documentalismo.

Na primeira metade do século XX, milleiros de mulleres saíron soas de Galicia cara a América. Moitas delas eran ilegais, con papeis que falsificaban a súa idade e mesmo a súa identidade. 

O documental, proxectado por Greenpeace e estrado en 2009, mostra a historia do planeta Terra dende os seus inicios ata o presente. Entrada libre ata completar a capacidade da sala.

Suecia, 1921

Dirección, Victor Sjöström.

Sinopse: É Noitevella. Tres bébedos evocan unha lenda segundo a cal si un gran pecador é a última persoa que morre ao terminar o ano, entón terá que conducir durante un ano enteiro a Carruaxe Fantasma que recolle as almas dos mortos. David Holm, un dos tres bébedos, morre cando soa a última campanada da medianoite.

Entrada libre ata completar a capacidade da sala. Presentación e posterior debate moderado por Ana Martín Fernández (graduada en Historia da Arte)

“Queicoa”, significa en Barallete, a lingua dos afiadores; Deus, heroe, loitador, ser grande, mítico. Desde hai máis de tres séculos ata os nosos días, aos vellos afiadores de moita sona, moitos camiños e milleiros de quilómetros ás súas costas, chámanlles “Queicoas”.
 
Eran homes bravos, duros, curtidos de traballar nos campos dunha das zonas máis pobres de Europa. Por iso as montañas galaicas cuspíanos ao mundo en viaxe a ningunha parte e coa única compaña do xirar dunha roda.

Unha ateigada festa cinematografica a miúdo sorprendente que honra a Roma en todo o seu esplendor e superficialidade.

Leviatán é unha película rusa de 2014 dirixida por Andréi Zviáguintsev, coescrita por Zviáguintsev e Oleg Negin, e protagonizada por Aleksei Serebryakov, Elena Lyadova e Vladimir Vdovichenkov. A película é unha reconstrución moderna do Libro de Job, ambientada nunha península no Mar de Barents.

Sinopse: Kolya vive nunha pequena cidade próxima ao mar de Barents, no norte de Rusia. É dono dun taller de coches que está preto da casa onde vive con Lilya, a súa nova muller, e Roma, o seu fillo dun matrimonio anterior.

O traspés financieiro da industria cinematográfica e un sistema de axudas públicas pouco operativo fan que un director de cine teña que reinventar o guión dun filme en dúas semanas. Entre el e dous recoñecidos guionistas galegos mergúllanse nun proceso creativo que non parece ir a bo porto. 

Filme do director galego Alfonso Zarauza cheo de humor, honestidade e melancolía.

España, 2014

Director: Susana S. Recouso, Emilio Carral; Guión: Susana S. Recouso, Emilio Carral; Música: Kevin MacLeod; Fotografía: Fran Piñeiro, Marcos Budiño; Productora Lentes Diverxentes

Máis dun ano e medio despois da traxedia do Alvia 04155 en Angrois, as vivencias persoais e os interrogantes sobre por que descarrilou o tren aquel 24 de xullo seguen no pensamento daqueles aos que lles tocou estar alí...

The Stranger, USA, 1946

Director: Orson Welles; Guión: Anthony Veiller (Novela: Victor Trivas); Música: Bronislau Kaper; Fotografía: Russell Metty; Productora: International Pictures / RKO Pictures

Intérpretes: Edward G. Robinson, Loretta Young, Orson Welles.