Proxección audiovisual

Organizado pola  Asociación Acemto de Torrecedeira, o Parque Camilo José Cela de Vigo acolle unha sesión de cine ao aire libre, coa película Regreso ao futuro. 

Entrada de balde. 

Numax acolle a I Mostra de Curtametraxes Sociais. Os espectadores poderán descubrir curtametraxes cun marcado compromiso social e político, tocando temas como o racismo, as migracións, os abusos contra a infancia ou a violencia machista. O programa inclúe as obras Damiana, Tout le monde aime la bord de la mer, A drowning man, Matria e Tryouts. Os pases serán en VO e VOSE. 

Entrada de balde con reserva previa. 

O Free Live Orgullo Pontevedra regresa este ano e, entre a súa variada e abundante programación, non faltará o cinema. O programa de proxeccións será o seguinte:

Martes 29, 20:30h
Teorema, de Pier Paolo Pasolini

Mércores 30, 20:30h
Tierra Firme, de Carlos Marques

Xoves 31, 20:30h
Un final para empezar, de Carmen PG Granxeiro

Venres 1, 20:30h
Nove de novembro, de Lázaro Louzao

A Biblioteca cede o espazo aos membros da Plataforma MINA TOURO-O PINO NON para a presentación do documental A ameaza do cobre de Xosé Bocixa, seguido dunha charla-coloquio na que se tratarán temas relacionados co exposto no documental.

Salón de actos, entrada libre ata completar a capacidade da sala.

Documental dirixido por Gustavo Salmerón: Moitos fillos, un mono e un castelo son os desexos cos que soñou a súa nai, Julita Salmerón, de nena, e que se converteron en realidade. Cando o menor dos seus fillos descobre que a súa nai perdeu a vértebra da bisavoa asasinada, a familia emprende unha divertida busca entre os peculiares obxectos que Julita foi acumulando ao longo dos seus 80 anos.

Con motivo do XX aniversario da súa curtametraxe A danza de Katiuska, o director Alfonso Zarauza presenta unha proxección desta curta na Unitaria. A curtametraxe está protagonizada por Luis Tosar e Uxía Gago.

Segunda proxección do 3º Ciclo de Cine e Música ao Vivo con Caspervek Trío, organizado pola Fundación Vicente Risco e BenComún Espazo.

Tabú
Última película de Murnau, que empezou como unha colaboración para escribir e dirixir conxuntamente co famoso documentalista Robert J. Flaherty, aínda que por diversos problemas só a asinou Murnau. Rodada en Tahití e Bora-Bora retrata en forma case de documental, do mesmo xeito que Nanook of the North facía cos esquimais, os costumes e modo de vida da xente do Pacífico sur.

Artistas: Zayrus Selector / Live Music Vox

Javi Alvedro /Visuals

Espectáculo de audiovisual onde os sons experimentais e electrónicos dos productores musicais comunicarán coas imaxes proxectadas por artistas visuais creando unha fusión intensa entre imaxes animadas e sons industriais.

A novena edición de (S8) Mostra de Cinema Periférico inaugúrase cun cinema concerto, no que se proxectará unha das obras máis emblemáticas, emocionantes e rotundas da historia do cinema: A paixón de Juana de Arco, do danés Carl Theodor Dreyer.

A proxección estará ambientada coa brillante Voices of Light, partitura do prestixioso compositor estadounidense Richard Einhorn, e será interpretada polo Coro e a Orquestra Gaos. 

A película proxectada será unha versión restaurada que recupera a montaxe orixinal de Dreyer estreado en 1928.
 

Nun pequeno pobo da Inglaterra de 1959, unha muller decide, en contra da educada pero implacable oposición veciñal, abrir a primeira librería que houbo nunca nesa zona.

Entrada: 3€