Outras actividades

Na sala infantil xa podes atopar esta selección de libros sobre os Camiños de Santiago para os máis cativos e cativas.

Un traballo  Fonográfico é un eco prolongado e sostido dunha situación. O produto resultante dun exercicio complexo de mediación determinada por infinidade de circunstancias nas que se inclúe toda unha serie de condicionantes tecnolóxicos e humanos baixo os que se realiza”.

A gravación de campo ampliou nas últimas décadas o espectro de sons que forman parte da música e da arte. Esta práctica trouxo consigo a posibilidade de aproximarnos á paisaxe sonora desde a repetición e a transformación da fuxidía dimensión acústica da nosa contorna multiplicando a escoita.

Favela Discos foi creada en 2013 e dedícase principalmente á edición de discos en diversos formatos, á produción de eventos e traballando tamén como axencia de artistas, organización de exposicións e composición de pezas audiovisuais colectivas. A produción artística da  Favela é fundamentalmente marcada pola  informalidade e por unha correcta  espontaneidade, pola colaboración e pola experimentación multimedia e multidisciplinar, bebendo das máis diversas influencias e navegando esencialmente polo medio alternativo  portuense.

LIBREDÓN

Un método vulnerable é orgánico porque se ve influenciado por procesos circunstanciais. As ferramentas empregadas no proxecto actúan como catalizadores dos erros de proceso, xirando ao redor do risco e a imperfección.

O espolio sistemático das ideas e a necesidade aditiva por eses motivos externos, conxugan unha hipérbole. A súa existencia abrolla do ir e vir constante, entre a realidade e a ficción, entre o analóxico e o dixital.

Dende hai algúns –poucos– anos sábese que as aves axustan o seu cantar á paisaxe sonora na que viven. As cancións dos paxaros da cidade son diferentes ás dos paxaros de medios nos que aínda é posible escoitar o silencio. Comprobouse tamén que os paxaros gardaban memoria das cancións de cando os motores alimentados por combustibles fósiles aínda non invadiran as cidades: foi cesar o tráfico e xa os paxaros volvían cantar como cantaban os avós dos avós dos seus avós.

O proxecto VOLTA é un laboratorio de creación de instrumentos electrónicos autosuficientes alimentados pola propia interacción e a enerxía producida polo esforzo de quen os interpreta. Utilizando o movemento circular dunha manivela como elemento principal, os instrumentos de Volta están concibidos como unha pequena orquestra de mini sintetizadores con diferentes tímbricas e personalidades alimentados por unha acción mecánica.

Este divertido polbo que cambia de cor leva con nós dende marzo, xa é hora de que reciba un nome. Collede unha papeleta e anotade un nome que vos guste: divertido ou serio, orixinal ou clásico, longo ou curto, suave ou sonoro... vós propoñedes.

Ao final do verán escolleremos un dos nomes propostos, e todos e todas as participantes entraredes nos sorteos de libros e agasallos que faremos a finais de xullo e a finais de agosto.

Participade!

Meigas fóra! ou non... 

Reunimos libros e DVDs sobre as bruxas dende diferentes ópticas: novelas xuvenís e de adultos, contos para nenas e nenos, libros sobre a figura da bruxa dende a perspectiva de xénero, películas para diferentes idades, etc.

Podes atopar as obras desta selección na planta baixa da biblioteca do 16 de xuño ata o 30 do mesmo mes e levalas prestadas.

Este ano parece que si imos poder viaxar. Por iso desde a Biblioteca de Pontevedra queremos axudarvos a planificar as ansiadas vacacións. Seleccionamos algunhas guías turísticas para coñecer diferentes rutas por España e Portugal.

O próximo 24 de xuño ás 19 horas Cristina Fernández Feijoo, presidenta de QuerEndo, compartirá con todas nós a charla Endometriose, a epidemia oculta. A endometriose é un problema grave e moi descoñecido a pesar de que moitas mulleres o sufren dende nenas.

Cando a regra doe tantísimo que non se pode facer vida normal... Algo vai mal

Podedes afondar neste tema na páxina de querENDO, mulleres con endometriose

As prazas son limitadas polo que é necesario a inscrición previa nos teléfonos: 988 788385 / 86