Meigas fóra! ou non...
Reunimos libros e DVDs sobre as bruxas dende diferentes ópticas: novelas xuvenís e de adultos, contos para nenas e nenos, libros sobre a figura da bruxa dende a perspectiva de xénero, películas para diferentes idades, etc.
Podes atopar as obras desta selección na planta baixa da biblioteca do 16 de xuño ata o 30 do mesmo mes e levalas prestadas.
Este ano parece que si imos poder viaxar. Por iso desde a Biblioteca de Pontevedra queremos axudarvos a planificar as ansiadas vacacións. Seleccionamos algunhas guías turísticas para coñecer diferentes rutas por España e Portugal.
O próximo 24 de xuño ás 19 horas Cristina Fernández Feijoo, presidenta de QuerEndo, compartirá con todas nós a charla Endometriose, a epidemia oculta. A endometriose é un problema grave e moi descoñecido a pesar de que moitas mulleres o sufren dende nenas.
Cando a regra doe tantísimo que non se pode facer vida normal... Algo vai mal
Podedes afondar neste tema na páxina de querENDO, mulleres con endometriose
As prazas son limitadas polo que é necesario a inscrición previa nos teléfonos: 988 788385 / 86
COORDENADAS é unha actividade literaria para Santiago de Compostela no ronsel dos Diálogos Literarios clásicos da Fundación Carlos Casares, que se desenvolveron desde 2004 a 2012 entre Mariñán (Bergondo) e Santiago de Compostela.
O Espazo de Cine da Área de Cultura da USC impulsa a creatividade audiovisual da mocidade a través da convocatoria da sexta edición do maratón Findecurta, un certame promovido ao abeiro do convenio Lugo Cultural e que se desenvolverá do 4 ao 8 de xuño de 2021 en Lugo.
O 5 de xuño celébrase o Día Mundial do medio Ambiente e os nosos compañeiros da Sala Infantil organizaron unha mostra bibliográfica sobre o a natureza e o medio ambiente. Non deixedes de vir a buscar algún libro!
Este xoves contaremos coa presenza de Arancha Nogueira a autora do libro "A mestra corremundos" que percorrerá a vida das irmás ourensás Pura e Dora Vázquez.
Actividade para nenos e nenas de entre 7 a 11 anos.
Cunha limitación de aforo máxino para asistir a ela é necesario facer inscrición previa chamando aos teléfonos 988 788385 e 988788386 dende o venres anterior á actividade.
Os libros son o vehículo máis antigo da cultura, da palabra e do saber. Transportan ideas, pensamentos, historias reais, historias fantásticas e incluso rexistran as vidas, facéndoas perdurar no tempo. Nesta peza escultórico-sonora, o libro e a súa historia son os protagonistas. A obra Gra(fo)nemas de Miryam Pato interactúa e comunícase co público.
Algo terrible aconteceu na cidade da Coruña: os exemplares traducidos ao galego por Xela Arias de 'Contos ó teléfono' (Rodari) desapareceron de todas as bibliotecas. Precisamos a túa axuda para atopalos. É imprescindible para o bo desenvolvemento do Día das Letras Galegas e para a autora homenaxeada: Xela Arias.
As crianzas convértense en investigadoras e descubrirán onde se atopan eses libros. Aproveitaremos o xogo para descubrir, a través das probas e pistas, datos relevantes da autora e dos seus libros...
Este ano o Calendario do libro e da lectura de Galicia dedica o 1 de maio ao cómic, coincidindo co día do cómic gratis (primeiro sábado de maio). Desde a biblioteca non queremos deixar pasar esta oportunidade e decidimos fomentar a lectura deste medio durante todo o mes. O noso obxectivo é axudar e inspirar a aquelas persoas que algunha vez pensaran en iniciarse no mundo do cómic pero non sabían como. Ofrecemos así unha elección de obras (sorpresa) ideais para este fin, tanto na comicteca de adultos como na do Espaxo Xove.
