A Xunta de Galicia apoia un ano máis a celebración do festival Rogelio Groba, que encherá Ponteareas de música clásica entre o 14 e o 20 de agosto.
Haberá tamén música de compositores galegos, facendo especial incidencia na obra do mestre Rogelio Groba e se incluirán accións especiais que poñan en valor os 26 anos na escena musical da Orquestra de Cámara Galega.
Dez intérpretes
A banda «Zeltia e Irevire» emprende a súa carreira musical no ano 2018, da man da compositora e cantautora galega Laura Zeltia Acuña Barros e a fusión do estilo de percusión de Migui Carballido. Con corazón de Folk Tribal e aberta á mestura de estilos, caracterízase polo seu plasticidade e orixinalidade, polo que dependendo da ocasión, poderedes atoparvos cunha versión ou outra da súa arte.
Neste caso, a súa versión en trío acústico compóñense pola propia Zeltia á voz e guitarra acústica, Migui Carballido ao bodhran e Cibrán Seixo Pazos ao violín.
Martins Aneiros Band xorde da unión da cantante Paula Martins, quen fose voz da Big Botton Band, e de Víctor Aneiros, guitarrista galego que suma xa oito discos ás súas costas.
O pasado verán a cantante apareceu como convidada do grupo do ferrolán nas súas actuacións no Fisterra Blues Experience e o Discalzos polo Festival, aínda que o inicio desta alianza musical remóntase a fai máis dunha década.
En 2018, Héctor, Santi e Roque, amigos desde o instituto e ex-compañeiros de formación noutras bandas, deciden montar unha nova inspirada nos seus gustos compartidos polo rock da década dos 90 e 00, como o grunge, o punk e o rock alternativo.
Cousas da vida, un bo día queres montar un proxecto de jazz instrumental e cando te decatas estás a tocar cancións con letra baseadas en escuros riffs afinados en re. Iso nunha parte da canción, porque noutra estáste a deixar levar pola psicodelia. E noutra máis, esta vez si, adéntraste no medio dunha pasaxe jazzística. Toda esa estraña e sorprendente mestura atópase no primeiro disco de Loiros.
Trilitrate é un proxecto que abarca música acústica e videocreación en tempo real; trátase dunha composición colectiva que ten como fin crear algo persoal e inédito. Esta formación crea sons descoñecidos que desafían calquera categoría e abren novos carreiros na música acústica. Desdibujan as liñas existentes entre a composición e a improvisación, revelando influencias de estilos tan afastados entre se como pode ser a música clásica, a improvisación libre, o hardcore, o post-rock ou o noise.
Barbitúricos nacen durante unha partida de futbolín no Bar-Tolo de Compostela. Unha formación na que nos atopamos con tres veteranos da escena galega: Vituco (Ruxe Ruxe), Xurxo Pinheiro (Xenreira, Malandrómeda) e José Manuel Pedra (Desequilibrio Mental, Astarot).
A diversidade caracteriza a Mauricio Caruso como o músico que é. Formado na Universidade de São Paulo, percorre a música contemporánea, erudita, jazz, pop, rock, música negra e música popular brasileira; como instrumentista toca varios instrumentos de corda, como a guitarra clásica, acústica, eléctrica ou o cavaquinho, entre outros.
Monoulious DOP nace en 2012 como un proxecto musical único e exclusivo para internet. A curiosidade de Ula e Mon, dous amigos de toda a vida, fai que empecen a subir videoclips que eles mesmos producen e que coa forza das redes sociais pronto contan co apoio do público.
Camille Hédouin (Nantes, 1986) chega a Galicia en 2011 para instalarse na aldea de Pardavedra (A Bola, Ourense) e formar parte do proxecto de recuperación da aldea de Saumede. Intégrase rapidamente, aprendendo o galego, idioma que utiliza nas súas composicións xunto ao francés e o inglés, e comezando a desenvolver as súas propias composicións partindo de material obsoleto e instrumentos para nenos.
