Festival

Esta iniciativa convocará 50 coñecidas orquestras galegas en concertos distribuídos ao longo da fin de semana nas localidades de Narón, A Coruña, Ourense, Pontevedra, Vigo e Santiago de Compostela.

A partir das 18.00 horas do sábado, o Gaiás servirá de escenario para as actuacións de París de Noia Show, Gran Parada, Capitol, Metrópolis, Atrévete, Galilea e Puzzle. O concerto terá lugar nun emprazamento ao aire libre, cunha capacidade máxima para 1000 persoas de pé e con división en sectores para garantir a distancia e o resto de medidas de seguridade.

Un festival que é máis que un festival. É unha experiencia que nos trae o son do Atlántico, o blues. Fisterra é a fin da terra, a fin do camiño, o encontro coa inmensidade do océano. Un lugar onde se sinte doutra maneira, o lugar perfecto para o blues.

Agora máis que nunca, precisamos do benestar e da búsqueda dunha renovación que nos libere e nos faga presente a fraternidade, os vínculos coa comunidade, a terra e o mar, para alonxar por un tempo as hostilidades do mundo.

Ano tras ano o Festival Mar de Mares converte A Coruña na capital mundial dos océanos, un punto de encontro para todos aqueles namorados do mar, que ademais de gozar desta paisaxe tamén se preocupan pola súa supervivencia e loitan por deixar uns océanos limpos e sans para as próximas xeracións. Artistas, científicos, activistas, educadores, cociñeiros, deportistas, aventureiros e emprendedores, e por suposto, o público, convértense durante uns días na voz dos océanos.

2021 é o sexto ano consecutivo que a Plataforma DiversidArte da Asociación Poten100mos celebra a súa DiversidArte, Festival de Artes Inclusivas, mellorando cada ano con programación, con máis público e nun camiño máis seguro cara a un verdadeiro cambio social para a diversidade e a verdadeira inclusión social.

É unha noite de poesía. Unha noite de arte sen complexos. Unha noite  de poesía de portas abertas. De luz e tamén de xogos de sombras chineses.
Cada poeta un planeta e cada poema unha entrada ao seu mundo.
Unha noite de poesía  nun teatro maravilloso. Convertido nunha galaxia de mundos, de poesía para ser habitada…….

High Paw é unha singjay (cantante e MC) de Vigo naceu en 1993. A súa faceta de escritora comeza a tomar forma aos quince anos e entre parques e escenarios libera a súa voz influenciada polas grandes cantantes da música negra, pero nunca privando ao oído dos estilos máis variados.

Os sons de outrora sorpréndena desde pequena e espertan nela un especial interese pola música de raíz Jamaicana, a súa mensaxe e instrumentación. Nas sesións a vinilo ou en jam sessions, compartindo vibras, evoluciona o seu estilo movéndose entre o Soul máis libre e o estrito Rub-A- Dub.

Co amorne dos druídas e a maxia bruxa preséntase Zeltia coa súa banda Irevire. Tras tocar de maneira viaxeira tanto en Galicia como en Irlanda, foi a principios do 2018 cando empeza a formar un proxecto musical con Migui Carballido. Ao ano seguinte incorpórase á formación Cibrán Seixo Pazos, co seu violín e Eduardo Apariz aos coros coas palabras chamánicas, todo empeza a formar parte do novo estilo, o Folk Tribal.

Rebeliom Do Inframundo é un grupo de rap en galego  con orixe en Ponteareas e sede en Vigo. Os seus membros actuais son Nervo (MC), Malvares de Moscoso (MC), Frank (MC), Movementss (Produtor) e Ichi (DJ).

Fundado en 2010, Petit Pop fórmano Mar, Lara, Cova e Pedro, membros de diversas bandas como Pauline na Praia, Nosoträsh, Undershakers, Penélope Trip ou Edwin Moses. Con tales traxectorias non é de estrañar que no momento no que empezaron a verse rodeados de peques, seguisen facendo o que lles gusta adaptándose á nova situación... aínda que con bastante menos tempo ;)

María Zahara Gordillo Campos (Xaén, 1983) é parte da mesma xeración de cantautoras españolas de indie folk á que pertencen Russian Rede ou Anni B Sweet. Tras cursar estudos no Conservatorio de Música de Úbeda e na Universidade de Almería, en 2005 Zahara editou por conta propia o seu álbum debut Día 913, ademais dun EP eléctrico xunto a Alfonso Alcalá e Pablo García. O seu debut oficial, A fabulosa historia que incluía Merezo, tema oficial da Volta Ciclista a España 2009.