Concerto

Senén Vaamonde e  Alfredo e Manuel, músicos da formación A Roda, ofrecen un concerto didáctico que inclúe panxoliñas e outros poemas de Pura e Dora Vázquez musicados no seu día por Suso Vaamonde. 

Tamén aos cativos e cativas e ás súas familias se dirixe a proposta da coñecida cantante María do Ceo. A artista interpretará as súas Cancións para nenas e nenos nun concerto no que se poderán escoitar os temas do seu primeiro traballo, homónimo, de música infantil.

Pablo Díaz estará na Fundación Eduardo Pondal de Ponteceso co seu concerto Coas miñas mans, música para aprender os números, as cores, as comidas... pero tamén para cantarlle á lua ou á primavera; cancións divertidas, en fin, para medrar con alegría. 

Integrada por cinco mulleres que decidiron unir as súas traxectorias individuais para dar voz a este novo proxecto, A banda da loba destaca pola creación dun repertorio propio baseado tanto en letras da súa autoría como en musicalizacións de poetas célebres ou outros textos tomados dos poemarios de escritoras contemporáneas como Rosalía Fernández Rial ou Celia Parra. Todo isto, baixo un estilo ecléctico e heteroxéneo que bebe do rock, do pop, do folk… e fai do seu repertorio un fantástico caleidoscopio musical.

A ferrolá Irene Caruncho foi a gañadora do programa de talentos La Voz no ano 2016. Ademais da súa impresionante voz, toca o piano e o clarinete. Nos seus inicios interpretaba versións das melodías do pop español e internacional, pero actualmente realiza as súas propias composicións e presenta os seus discos.

Nesta ocasión presentará o seu segundo álbum, Still Running.

A Asociación Lírica Encantados está dirixida por Diana Somkhieva e nesta ocasión contará co acompañamento ao piano de Meri Somkhieva.

Programa:

Perduta la pace G. Verdi - José Carballido (tenor)

Ecco respiro appena F. Cilea - Cecilia Álvarez (soprano)

Bella siccome un angelo G. Donizetti - Víctor Gómez (barítono)

Belle nuit J. Offenbach - Irene Zas (mezzo), Eduvigis Monagas (soprano)

Convien partir G. Donizetti - Susana García (soprano)

A banda de hardcore procedente de Torrelavega, Ojo Trueno, estará acompañada polos asturianos Amplify e os coruñeses Less Fortunate Songs.

Catrapum e María Villanueva alternan a música tradicional coa máis innovadora. Tamén fan un oco para contar e interpretar algúns contos.

Orquestra Malabares é un proxecto singular que une o mundo do circo co mundo das bandas municipais de música, nunha actuación conxunta da banda municipal e dun grupo de 6 malabaristas/actores/bailaríns.

Nesta ocasión actuará ca Banda de Música de Santiago de Compostela na festa que celebra o proxecto Apego.

O evento estará presentado polo polifacético Xurxo Souto.

Nesta ocasión a Banda Municipal de Música, dirixida por Casiano Mouriño, estará acompañada por Treixadura e Cantigas e Agarimos.