Black achéganos á música Soul, a esa música de voces negras que alimentan a alma e a sensibilidade e que, a día de hoxe, só podemos oír, na súa maioría, en vellas gravacións. Black é un proxecto musical coruñés que versiona grandes éxitos da música negra. No seu formato acústico levan desde 2014 amenizando diversos espazos de toda a comunidade autónoma co seu espectáculo Un paseo pola música negra.
Fundado en 2010, Petit Pop fórmano Mar, Lara, Cova e Pedro, membros de diversas bandas como Pauline na Praia, Nosoträsh, Undershakers, Penélope Trip ou Edwin Moses. Con tales traxectorias non é de estrañar que no momento no que empezaron a verse rodeados de peques, seguisen facendo o que lles gusta adaptándose á nova situación... aínda que con bastante menos tempo.
Mentres todo o país celebraba a vitoria do combinado nacional no mundial de fútbol surafricano, Juanjo Treus estaba atareado recrutando a catro músicos cuestionablemente competentes, aínda que simpáticos e ben parecidos, para acompañarlle no libre desenvolvemento da súa faceta como crooner.
O grupo Tinta, coa vocalista Marta Vidal á fronte, foi o gañador do concurso"Vigo en Vivo", un galardón que é un merecido premio ao talento que demostra esta nova banda de futuro prometedor. O mellor escenario do mundo, Solpor Monteferro, aspira a ser unha cita para non perderse aqueles que gustan de descubrir novo talento, e Tinta son iso, quilates de talento, unha aposta pola música interpretada con gusto, estupendas cancións, o presaxio dunha estrela, de que o mellor está por vir, así que gozar da súa maxia e únanse a estes primeiros crentes de fans.
Roma comeza a súa actividade musical antes de aprender a falar e os seus xogos infantís vanse convertendo en cancións, en poemas, en historias que contar.
En 2003 grava xunto a Amaro Ferreiro a súa segunda maqueta “CONTOS PARA NENOS MORTOS”. Ofrecen algún que outro show do proxecto “AMARO E ROMA” en Vigo e O Val Miñor.
No 2020 Eladio e os Seres Queridos cumpriron 15 anos de carreira con 5 discos, xiras por todo o país en diferentes festivais e salas e manténdose sempre fieis ao seu particular estilo que lles permite ser, a día de hoxe, unha das bandas mais estables do panorama musical español.
Despois da gravación do primeiro traballo de ISIUS, Songs From Everywhere (Ernie Records 2019), José empezou a buscar entre amigos e coñecidos de Vigo a xente que soubese tocar e que lle puidesen acompañar nunha serie de concertos de presentación do seu primeiro traballo. Desta forma, e gradualmente, fóronse incorporando Tole, Carlos, Edu e Roberto, e os cinco empezaron a quedar os xoves para preparar os directos.
A iniciativa conta co apoio da Secretaría Xeral de Política Lingüística e forma parte da programación institucional das Letras Galegas 2021 da Xunta de Galicia.
A banda da Loba tennos xa acostumados ás musicalizacións de poemas das figuras máis representativas da nosa cultura. Con Xela Arias, á que afirman ter como unha das súas grandes referentes, non podía ser diferente. Hasme oír será, polo tanto, unha homenaxe á gran poeta e muller transgresora que foi a homenaxeada o Día das Letras Galegas 2021.
Madrigalia, fundada en 1988 como Asociación sen ánimo de lucro está formada por coralistas afeccionados, algúns deles cantores profesionais, que, baixo a dirección de Profesores de alto nivel, buscan unha coidada interpretación das obras que programan, seleccionadas entre a música culta de todo tempo e lugar.
Ademais dos habituais concertos, Madrigalia intervén naqueles actos nos que a súa presenza é reclamada para a montaxe de espectáculos (p.e. Óperas) ou a solemnización de Eventos de todo tipo, por Empresas, Organismos diversos, públicos e privados, particulares, Vodas, etc.
Catro mulleres: Lorena Reinaldo, Paula Oanes, Josefa Fernández e Elena Paz. Elas forman este insólito cuarteto feminino onde o protagonismo das arpas celtas e o son doce das súas voces, dan vida a un estilo propio e único, chamado Lulavai.
Coñécense en 2005 cando realizaban os seus estudos de arpa, á vez que formaban parte da orquestra Folc, Sondeseu, baixo a dirección do arpista e ex-compoñente de Milladoiro, Rodrigo Romaní.
