Anier coñecida artisticamente como Anières , é unha cantante de rap española. É coñecida polos seus temas " Lume en tregua " ou " carnaza " que son os que obtiveron máis visualizacións na plataforma de Youtube. Estes dous temas son os que sacaron adiante a súa carreira profesional, que esta se iniciou o ano 2015 en Youtube, coas cancións " despegar " e " Mais ".
Banda española de post-hardcore comparada frecuentemente a outros dúos de guitarra e batería como Japandroids, Non Age ou Nova Vulcano. Composto por Aleix Turon e Joan Delgado, coas súas primeiras cancións e o seu intenso directo o dúo logrou chamar poderosamente a atención de Eric Fuentes, quen se ofreceu a producirlles o seu disco debut homónimo de 2016 para o selo BCore.
O músico galego Iván Ferreiro presenta o seu novo proxecto titulado "Contos e Cancións" e que en directo supón unha mestura de concerto e storytelling. Ferreiro combina recital, monólogos, cancións e anécdotas para percorrer a súa biografía e traxectoria apoiado, ademais, nunha montaxe audiovisual.
Terbutalina é un broncodilatador que se utiliza para o tratamiendo da asma, pero tamén o nome dunha banda de garage punk en galego nacida en 2010 entre Muros e Esteiro (A Coruña). Fieis ao seu carácter irreverente, en máis dunha entrevista afirmaron que se coñeceron nunha reunión de asmáticos.
O dúo compostelán Boyanka Kostova móvese entre sons hiphop e trap en galego mesturados con música tradicional. Presentan o seu segundo disco titulado "Vos dous de sempre"; lanzado en xuño de 2020.
O dúo, tamén compostelán, Verto presenta os temas do seu novo disco titulado "Embora", autoeditado en abril deste ano 2021. Nel navegan por sons pop ochenteros, o música disco ou o funk dos 70 e 80 mesturado co trap e a electrónica. Tamén actúan o día 23 en Vilagarcía de Arousa dentro do Atlantic Festival 2021.
Franc3s fóronse con Campás de Lume Rosa (Limbo Starr, 2012), aínda que antes de despedirse definitivamente deixaron o single O Sentido da Loita (Limbo Starr, 2013). Unha homenaxe sincera a Alberto Gende, gran artista e amigo da banda responsable da súa arte. Así o presentaban: "O venres 11 de outubro do 2013 o gran artista e mellor amigo Alberto Gende cumprise 41 anos. Este é o noso agasallo: unha canción nova que fala de amor e amizade, algo polo que sempre cremos que merece a pena loitar, e que estará incluída no noso terceiro disco, que sairá ao longo do 2014".
MClan presentan os temas do seu último disco, "Delta", editado en setembro de 2020. O álbum foi gravado integramente en Nashville (EE.UU.) cunha instrumentación máis acústica e sons de folk americano e rock con raíces.
Marlon xunta a catro amigos con influencias e vidas dispares; catro amigos á fin e ao cabo que o destino quixo unir para gozar na estrada e no escenario. Marlon é un grupo formado por: Adrián Roma (voz) Juanin (guitarra e coros) Jorge (Baixo e voz), Javi (batería). Cada un deles vén de tocar en diferentes bandas, con diversas influencias pero claramente referenciados polo pop dos 80 (Os Ronaldos, Homes G, Os Rodriguez) e o pop británico dos 60 (Beatles, Rolling Stones?).
Trópico de Covadonga: O espectáculo vira en torno ao concepto de tempo e aos ciclos do ano, exponse como un cancioneiro popular contemporáneo (ao estilo dos cancioneiros tradicionais de García Matogueiras, Alan Lomax, Joaquín Díaz ou Carlos Porro) no que serán protagonistas a electrónica, o humor, a performance e os códigos musicais contemporáneos para narrar as músicas e historias eternas que nos proporciona o folclore. "Quero contar, e cantar que en Asturias e en moitos lugares de España, aínda existe un mundo antigo, exótico mesmo, gardado principalmente polas señoras.
Unha volta polo medio é un encontro que máis que unha representación ao uso é unha convivencia, un conxunto de músicas de raíz, de artistas, de bailes, de fandangos…
O 17 de xullo no torreiro da Guía, Atios (O Porriño) terá lugar o encontro musical, onde tamén terá lugar unha Feira de Artesáns. Con todo, xerarase así un ambiente agradable de compañía, música, baile, artesanía e moito máis.
Durante todo o día haberá actuacións de ABuxaina (Coruxo) e Os Penediños de Atios (Atios), baile, pasarrúas, xogos tradicionais… e moita música.
