Concerto

Zahara será a protagonista do ciclo Momentos Alhambra Acustiquísimos, cun concerto íntimo que terá lugar o sábado 22 de novembro no Patio de Cristal do Hotel Monumento San Francisco de Santiago de Compostela. Este espectáculo en formato acústico, en solitario e acompañada únicamente por guitarra, piano e pedais, foi descrito como “cru e desgarrador”, cunhas interpretacións que viaxan tanto polas súas composicións máis recentes como por cancións emblemáticas que marcaron a toda unha xeración.

O pasado ano lanzaron “El Presente” (1 de marzo de 2024), un traballo que reflicte o momento máis consciente, luminoso e maduro da súa carreira. Doce cancións que falan de evolución, de sensibilidade e de non acomodarse nunca. Da man do seu produtor habitual, Manuel Colmenero, este disco non só alcanzou o número 1 na lista oficial de vendas en España durante a súa primeira semana, senón que os impulsou a vivir unha das xiras máis intensas e emocionantes que tiveron ata o de agora.

Coti retoma o contacto directo e a proximidade co público na Sala Capitol. Acompañado pola súa banda, á que bautizou “The Champions”, ofreceranos un percorrido polas súas cancións máis coñecidas.

Quique González, un dos grandes autores do rock en castelán, anuncia o lanzamento do seu novo álbum: «1973», que verá a luz o 3 de outubro deste ano. Este disco supón un paso máis na traxectoria do músico, que en 2023 celebrou os seus 25 anos de carreira.

Os mozos lobos criáronse co soul, o R&B e o doo-wop da radio nocturna. Curáronse a través das correntes afroamericanas do blues, o jazz e o rock 'n' roll. Unha amalgama. Como orgullosos chicanos, as súas cancións sempre brillaron coa esencia das súas raíces mexicanas e latinoamericanas, nutridas pola norteña e as rancheiras, animadas polo bolero e as cumbias, e elevándose ao ritmo do son huasteco e o son xarocho. Los Lobos axudaron a difundir a rica diversidade cultural en todos os continentes, en toda a comunidade global.

O espírito anárquico e disruptivo de Mi vida loca permitiulle a LAD acadar a masividade e púxoos definitivamente no mapa internacional, onde, tras numerosas xiras, discos e éxitos, se estableceron como unha das bandas máis icónicas, queridas e influentes da música popular.
Este tour percorrerá os principais escenarios de Europa, Latinoamérica e Estados Unidos durante 2025 e 2026.
 

Os do Fondo da Barra nacen do grupo de cantareiros de 'Xacarandaina', asociación constituída en 1978 para a investigación do folclore galego, sempre procurando a maior pureza e semellanza coa realidade e pretendendo ser unha ferramenta de transmisión da arte popular de Galicia.

Ben en solitario ou acompañando ao grupo de baile, teñen percorrido gran parte da Península e participado en festivais no estranxeiro, acadando numerosos premios e recoñecementos por todo o mundo.

Axúdame a sentir dicíame Obdulia con frecuencia, a miña avoa materna. Foi unha de tantas catedráticas sen título nesa célebre universidade da vida. Nada hai máis necesario que sentir e tampouco hai momento máis acaído para perseguir ese verbo que os tempos nos que vivimos: as humanidades esvaécense ao tempo que medra o binomio virtual-máquina. As artes, en xeral, atenderon historicamente a nosa necesidade de sentir. Ese lugar sen algoritmos é unha casa que debemos visitar tantas veces como nos sexa posible.

Concerto do Dúo Pava con Lucía Aldao e Pablo Silva na súa versión máis íntima e acústica. PAVA é a proposta musical da poeta e compositora coruñesa Lucía Aldao. Un directo eléctrico e pegadizo que vai da psicodelia ao pop rock máis alternativo con tintes de crúas guitarras velvetianas. Nos traballos discográficos de Aldao sobrevoan as sombras de xigantas como PJ Harvey, a personalidade da súa voz e a forza das súas letras orbitan na elipse das novas voces femininas xurdidas nos últimos anos ao outro lado do Atlántico.

Amor en la Tierra é o primeiro musical flamenco de gran formato nacido da raíz xerezana. Inspirado na tradición da Zambomba de Nadal, este espectáculo transforma a esencia popular nunha obra narrativa, visual e emocional.
Unha experiencia para todos os públicos que une o compás flamenco cunha historia universal que forma parte da nosa memoria colectiva. Música, danza e emoción en estado puro.