Santiago de Compostela, 9 de setembro de 2025

Bueu (Pontevedra), 9 de setembro de 2025

A Xunta de Galicia patrocinará o deseño e elaboración dunha alfombra dedicada a Maruja Mallo con motivo da exposición Maruja Mallo. Máscara y compás que acollerá o Museo Nacional Centro de Arte Reina Sofía de Madrid. Así o anunciou o director xeral de Cultura, Anxo M. Lorenzo, despois da xuntanza coa Asociación Cultural Cunchas e Flores de Bueu, entidade responsable da creación.

 Tomiño (Pontevedra), 8 de setembro de 2025

A directora xeral de Xuventude, Lara Meneses, e o director xeral de Patrimonio Cultural, Ángel Miramontes, visitaron hoxe á mocidade participante no campo de voluntariado do xacemento das Torres, en Tomiño, unha das iniciativas que a Consellería de Cultura, Lingua e Xuventude incorporou este ano á programación estival Modo verán activo e en cuxa modalidade participan preto de 600 mozos e mozas en toda Galicia.

Baños de Molgas (Ourense), 8 de setembro de 2025

O conselleiro de Cultura, Lingua e Xuventude, José López Campos, participou hoxe na misa solemne e procesión do Día Grande da Romaría de Nosa Señora dos Milagres, no Santuario de Baños de Molgas, declarado monumento histórico artístico nacional, e unha das celebracións máis concorridas e que maior fervor esperta en Galicia.

A Coruña, 8 de setembro de 2025

A Filmoteca de Galicia inicia a súa nova temporada de proxeccións, no marco da que este mes de setembro dá comezo unha retrospectiva sobre o realizador francés Maurice Pialat, ofrece un percorrido polo cinema arxentino dos anos 60 e 70 e acolle un encontro co director galego Alejandro Enríquez a propósito da proxección do seu documental Rapa, entre outras citas.

O Saviñao (Lugo), 7 de setembro de 2025

O conselleiro de Cultura, Lingua e Xuventude, José López Campos, participou hoxe na inauguración da IV Festa da Vendima do Saviñao, en Lugo, onde agradeceu ser nomeado Cabaleiro da Orde do Mencía “nun ano especialmente importante para a Ribeira Sacra, no que estivemos traballando a prol da mellor candidatura para acadar o seu recoñecemento como Patrimonio Mundial”.

Campo Lameiro (Pontevedra), 7 de setembro de 2025

A Xunta organizará os vindeiros días 20 e 21 de setembro no Parque Arqueolóxico da Arte Rupestre de Campo Lameiro, en Pontevedra, as I Xornadas Internacionais da Arte Rupestre Atlántica. Trátase dunha iniciativa que contará con especialistas en petróglifos de relevancia a nivel internacional chegados de Irlanda, Escocia, Portugal e Galicia, na que analizarán o patrimonio máis senlleiro a través de obradoiros, charlas e relatorios.

Santiago de Compostela, 7 de setembro de 2025

A Xunta de Galicia acaba de resolver a convocatoria de axudas a través das que apoia a asistencia de 11 galerías de arte galegas, catro máis que na anterior, a feiras e mercados fóra da Comunidade. Así, tal e como se recolle hoxe no Diario Oficial de Galicia, con esta liña de apoio achéganse 104.000€ para colaborar cos profesionais interesados en tomar parte neste tipo de acontecementos.

Ponteareas (Pontevedra), 6 de setembro de 2025

O conselleiro de Cultura, Lingua e Xuventude, José López Campos, participou hoxe na inauguración da Feira dos Remedios en Ponteareas, a primeira edición que se celebra como Festa de Interese Turístico Galego, e na que remarcou que este recoñecemento “pon en valor unha manifestación profundamente enraizada na identidade do rural galego”.