Vigo, 12 de maio de 2026
A delegada territorial da Xunta en Vigo, Ana Ortiz, e a directora do Museo do Mar de Galicia, Marta Lucío, mantiveron este luns un encontro cos responsables da Asociación Sociocultural e Deportivo Over co obxectivo de deseñar un novo evento cultural no recinto museístico na cidade.
Santiago de Compostela, 11 de maio de 2026
A segunda campaña arqueolóxica no castro das Hortas, nas illas Cíes, permitiu confirmar que a ladeira na que se localizan os restos estivo ocupada desde a época castrexa ata a Idade Media. Esta é a principal conclusión dos traballos desenvolvidos no arquipélago entre finais de abril e comezos de maio polo Grupo de Estudos en Arqueoloxía, Antigüidade e Territorio (GEAAT) da Universidade de Vigo (UVigo), coa colaboración da Xunta de Galicia.
Santiago de Compostela, 11 de maio de 2026.- O Consello da Xunta de Galicia aprobou hoxe un convenio de colaboración coa Federación de Bandas de Música Populares de Galicia, ao que se destinan este ano 200.000 euros para lle dar continuidade á actividade externa e interna deste colectivo no seu labor de fomento, interpretación, formación, intercambio profesional e investigación arredor música bandística.
Santiago de Compostela, 9 de maio de 2026
O Centro Dramático Galego estrea mañá, domingo 10 de maio, ás 20,30 h. no Salón Teatro de Santiago de Compostela, o espectáculo Black Box. Unha saga épica, de Hugo Torres, primeira coprodución da unidade teatral da Xunta en 2026. A función única desenvolverase como peche do festival de teatro, danza e arte en acción Escenas do Cambio, organizado pola Cidade da Cultura de Galicia.
Cangas de Morrazo (Pontevedra), 8 de maio de 2026
A 43ª Mostra Internacional de Teatro Cómico e Festivo de Cangas desvelou hoxe a súa programación, que se desenvolverá co apoio da Xunta entre o 21 de xuño e o 5 de xullo cun total de 24 espectáculos repartidos desde sete escenarios da vila do Morrazo e cun reforzo ao seu papel de entidade coprodutora relevante dentro do tecido cultural galego.
Con este recoñecemento, este é o segundo ano que se escolle para a efeméride, que ten o seu día o 30 de xaneiro, a unha persoa en vida. Para conmemorar esta data a Consellería de Cultura, Lingua e Xuventude traballa xa na posta en marcha de diversas actividades como obradoiros ou exposicións baseadas na traxectoria de Siro, que tamén ten un papel importante noutros eidos como o do xornalismo ou o do ensaio.
Vigo, 7 de maio de 2026
A delegada territorial da Xunta en Vigo, Ana Ortiz, destacou este xoves a “dimensión internacional” da Bienal Internacional de Cartelismo Terras Gauda-Concurso Francisco Mantecón que cumpre a súa 25 edición. A representante autonómica destacou o certame, que reúne a un total de 2.120 obras de artistas de 83 países, como un “referente” do deseño gráfico.
Santiago de Compostela, 7 de maio de 2026
A Xunta de Galicia nomea director do Museo do Castro de Viladonga a Diego Torres Iglesias despois da xubilación no mes de abril de Elena Varela Arias, que ocupaba o cargo desde o ano 2010. Trátase dunha praza que foi cuberta a través dunha convocatoria en comisión de servizos, un procedemento previsto na normativa de emprego público.
Santiago de Compostela, 7 de maio de 2026
A Xunta de Galicia impulsa dúas convocatorias dirixidas ao sector editorial, cun investimento total de 200.000€, para favorecer a internacionalización da creación literaria da Comunidade e tamén o acceso da cidadanía en lingua galega ás publicacións xeradas noutras culturas.
Santiago de Compostela, 7 de maio de 2026
