Rianxo (A Coruña), 2 de agosto de 2024

O festival de monicreques tradicionais Titiriberia anunciou hoxe a programación completa da súa novena edición, que desenvolverá en Rianxo do 12 ao 18 de agosto e para a que volve contar co apoio económico da Xunta de Galicia a través da convocatoria anual de subvencións a mostras profesionais de artes escénicas. Desta volta, son 20 as compañías que compoñen a súa carteleira, que inclúe 30 funcións, ademais de obradoiros, mesas redondas e proxeccións.

Santiago de Compostela, 2 de agosto de 2024

O conselleiro de Cultura, Lingua e Xuventude, José López Campos, mantivo un encontro co arquitecto César Portela para abordar o estado actual do antigo Teatro Fraga de Vigo e as posibles liñas de intervención para rehabilitar as súas instalacións. Trátase das primeiras conversas entre o responsable de Cultura da Xunta, despois da adquisición deste emblemático edificio por parte do Goberno galego, en colaboración coa Deputación de Pontevedra, co que fora responsable do proxecto de restauración iniciado no 2007.

Santiago de Compostela, 1 de agosto de 2024

A Coruña, 1 de agosto de 2024

O conselleiro de Cultura, Lingua e Xuventude, José López Campos, acompañado polo director xeral de Cultura, Anxo M. Lorenzo, participou hoxe na inauguración da Feira do Libro da Coruña, unha grande oportunidade, dixo, “para mergullarse nunha práctica, a da lectura, que nos fai medrar como persoas e adquirir coñecemento e coa que desde a Administración autonómica estamos totalmente involucrados“.

Santiago de Compostela, 31 de xullo de 2024

O proxecto Santa Bárbara, do autor, director e actor Santiago Cortegoso, é o gañador da terceira edición da Bolsa de Dramaturxia da Xunta de Galicia, iniciativa desenvolvida polo Centro Dramático Galego en colaboración cunha ducia de colectivos culturais co fin de seleccionar unha proposta de escrita dramática destinada a ser coproducida pola compañía pública.

Santiago de Compostela, 31 de xullo de 2024

O ciclo Atardecer no Gaiás, impulsado pola Xunta de Galicia a través da Fundación Cidade da Cultura, segue en agosto con dez novas citas musicais para os xoves e venres do mes. Esta semana o público poderá gozar do directo do influínte DJ e produtor portugués Branko e do grupo galego Amoebo. Os concertos serán ás 21,00 horas na Praza central do Gaiás, con entrada libre e gratuíta.

Ourense, 31 de xullo de 2024

O director xeral de Cultura, Anxo M. Lorenzo, participou hoxe na presentación da programación das XXXIX Xornadas de folclore, unha iniciativa que terá lugar co apoio da Xunta de Galicia e que, do 12 ao 21 de agosto, levará música e danzas tradicionais provenientes de agrupacións de Colombia, México, Panamá, Senegal, Serbia e Taiwán por 16 concellos da provincia de Ourense.

Santiago de Compostela, 31 de xullo de 2024

Cultura no Camiño, o circuíto de espectáculos promovido pola Xunta de Galicia en 88 concellos das rutas xacobeas, continúa o seu percorrido ata finais de agosto con 140 novas citas escénicas e musicais previstas durante todo o mes. Completarase así a 12ª edición desta iniciativa, que arrancou o pasado 15 de xuño para ofrecer este verán máis de 300 actuacións de circo, danza, maxia, música e teatro a cargo de 140 formacións artísticas galegas.

Mos (Pontevedra), 30 de xullo de 2024

O director xeral de Cultura, Anxo M. Lorenzo, participou hoxe na presentación do cartel do IX Festival Intercéltico O Son do Pazo 2024, unha iniciativa que terá lugar co apoio da Xunta de Galicia no Pazo de Mos entre o sábado 31 de agosto e o domingo 1 de setembro.