Evento: Camelia, flor de Galicia

Durante estas dúas xornadas, o claustro do Pazo de Fonseca acolle a terceira edición da exposición "Camelia, flor de Galicia", unha mostra que reúne máis de 200 variedades de flor de camelia procedentes das mellores coleccións privadas de Galicia. A espectacular beleza desta flor verase acrecentada cunha mostra de pezas e obxectos representativos da artesanía e cultura galega en xeral.

Na exposición participan máis de 20 viveiristas e coleccionistas de toda a comunidade.
A mostra, ademais, dá a coñecer a denominada Ruta da Camelia, unha viaxe a unha variedade de xardíns, públicos e privados, que poden ser visitados e que presentan o seu mellor aspecto no momento de floración dos camelios, que ten lugar nos meses de novembro a marzo.