Evento: As ciencias básicas na vida cotiá
As ciencias básicas na vida cotiá
As ciencias básicas xa evidenciaron a súa competencia para desvelar aspectos de interese para a Humanidade e seguirano facendo no futuro. O desenvolvemento da electrónica e o actual GPS non existirían sen a mecánica cuántica e a teoría da Relatividade de Einstein. Os teléfonos existen grazas á Ciencia de Materiais. Na produción e almacenamento das enerxías renovables, de novo Física, Química e Ciencia de Materiais terán o protagonismo.
A contaminación coa loita pola súa erradicación, polo menos a nivel de hixienización, son aspectos que dependen da Química denominada verde. En todo o relacionado co ADN, Matemática, Física e Química son os auténticos condutores que poden lograr deseñar tratamentos individualizados eficaces no campo da medicina. A nutrición sostible e loita contra as enfermidades non transmisibles dependen da Bioloxía fundamental…
No salón de actos. Para público familiar. A entrada é libre ata completar a capacidade da sala.
