Evento: Máis aló dos lenzos

O lema do ICOM para o día Internacional dos museos de 2026 é “Museos unindo un mundo dividido” Preténdese, con este lema, destacar o papel dos museos como pontes entre as divisións culturais, sociais e xeopolíticas que fomentan o diálogo, o entendemento, a inclusión e a paz dentro e entre as comunidades de todo o mundo. Como espazos públicos de confianza e lugares de aprendizaxe, os museos contribúen á coexistencia pacífica e ao respecto mutuo.

O Museo de Belas Artes da Coruña celebra o Día Internacional dos Museos 2026 cunha programación destacada o sábado 23 de maio. As actividades inclúen talleres infantís como "Máis aló dos lenzos", visitas guiadas "O museo a fondo", a actuación de Bigmike's Dixie Five e unha Noite dos museos con portas abertas ata as 23:30

"Máis aló dos lenzos"

Obradoiro en dúas quendas para nenos e nenas de 6 a 12 anos acompañados dun adulto, con inscrición previa. Horario: de 12:00h a 13:30h e de 17:30h a 19:00h

Os espazos inmersivos, espazos de desenvolvemento artístico, de co-creación e de xogo son propostas deseñadas a modo de escenografías que invitan a descubrir e explorar libremente. Están concibidas para ser habitadas, utilizadas e modificadas polas persoas que as transitan. En “Máis aló dos lenzos”, as propostas de luz, color e o uso das proxeccións achegan coherencia e globalidade, e inspirarán a nenos/as e adultos/as a crear e experimentar con materiais que pouco ou nada teñen que ver cun lenzo en branco.

Visitas guiadas “O museo a fondo”

12:00h, 18:30h e 20:30h, con inscrición previa.

Estas visitas didácticas convidan a deterse en obras procedentes dos fondos do museo para redescubrilas cunha mirada máis atenta.

En cada quenda horaria vanse facer dúas visitas: unha ao “Bodegón” do pintor Juan van der Hamen e outra ao cadro “A artista”, do pintor Serafín Martínez del Rincón y Trives.

Na visita ao bodegón vaise explicar o proceso de restauración e a importancia deste xénero pictórico no contexto da pintura barroca e na visita á “A artista” falarase do preciosismo na pintura do século XIX.

A Noite dos museos

Xornada de portas abertas ata as 23:30h, durante a que se poderá visitar tanto a exposición permanente como a exposición temporal “Habana Mater 2003-2023. Luis Gabú”.

Noite de concerto con “Bigmike’s Dixie Five”

21:30h

Actuación deste grupo, con entrada libre ata completar aforo.