A programación comezará o vindeiro sábado 7 de maio co Festival de Música Solidario. Este evento terá lugar a partir das 20:00 horas no Auditorio Municipal de Mondariz. A semana seguinte, concretamente o sábado 14 de maio, celebrarase unha xornada de Escape Room baixo o título de Noite Meiga. Será a partir das 22:00 horas na praza de España do municipio.

O luns 16 de maio ás 21.30 horas o Auditorio Municipal acollerá a representación teatral da obra A Parábola do Angazo. Esta produción trata de botar unha ollada ao noso pasado, para poder ter outra perspectiva do noso presente e mesmo mirar de esguello o que será no futuro. Así, entre risas, o público poderá sacar a lingua e demostrar que aínda ten moito que dicir.

O sábado 21 de maio o deporte ao aire libre será o total protagonista do día. Ás 8:00 horas sairá desde a praza de España o IV Trail Orixes Mondariz. Ademais, ás 19:30 horas os Xardíns do Concello acollerán unha sesión de contacontos para o goce dos máis pequenos. Na sesión homenaxearase a Florencio Delgado Gurriarán, protagonista das Letras Galegas 2022. O venres 27 de maio levará a cabo a proxección do filme Valentina no Auditorio Municipal a ás 10.00 horas. A programación concluirá o sábado 28 de Maio. Durante esta xornada celebrarase o Entroido de Verán, con saída do CPI de Mondariz ás 18.00 horas.