Evento: Nadal015 y Miranda

En pouco tempo Guillermo Nadal (Valencia, 1998) conseguiu pasar de nome destacado da escena underground a unha das maiores esperanzas do rap nacional, cunha lexión de seguidores en redes e cancións con millóns de reproducións en plataformas dixitais. Temas como Streetshark, Demons ou Esquizofrenia abonaron o terreo para que Nadal015 debute co seu primeiro álbum: Ruína e gloria. Cunha voz rota única no panorama e un manexo das atmosferas escuras digno dun príncipe das tebras, Nadal é un talento único. Honestidade e enerxía desbordante, afastado do exercicio de estilo, áspero, obsesivo e trepidante. Nadal015 é rúa, é pel e é cerebro. É vulnerable pero golpea duro, sen descanso, máis forte e máis seguido que ninguén. Dá vertixe pensar no alto que vai voar o que desde xa é un dos grandes talentos.