Evento: Combo Paradiso

En novembro de 2020 o grupo gravou o seu primeiro disco “Loco Vaivén” nos Estudos do Náutico de San Vicente. Un primeiro traballo con cancións propias presentado baixo o novo nome da banda Combo  Paradiso. A elección deste nome non é casual, evoca a condición latina dos seus compoñentes e a súa intención de atopar nas súas raíces a inspiración deste novo proxecto.Nel, tenden unha man ao conxunto de músicas latinoamericanas a través dun idioma común e trasládano á linguaxe musical propio da banda. En “Loco Vaivén” rebuscan nos seus ecos internos para, sen perder todo o orgánico e xenuíno das súas traxectorias individuais, buscar unha nova linguaxe que conecte con novos públicos e afiance aos seus seguidores de sempre a través dunha música veraz e de calidade innegable.