Evento: Discovering Dinosaurs

Discovering Dinosaurs é unha exposición interactiva composta por unha vintena de réplicas animatrónicas dos xigantes que habitaron a terra fai 200 millóns de anos. Unha viaxe ao pasado no que os nenos de todas as idades descubrirán de primeira man como eran, como vivían e ata como se movían estes xigantes prehistóricos. Ao comezo do percorrido, cada pequeno recibirá un cuestionario cheo de probas e preguntas que terán que completar durante a exposición. Unha aventura na procura do tesouro que os animará a aprender e estudar cada unha das especies expostas, así como desenterrar fósiles ou retratarse dentro dun ovo de dinosauro. A mostra pretende ensinar aos máis pequenos os misterios desta época histórica, ademais de contribuír a unha aprendizaxe significativa doutros contidos do currículum escolar.