Evento: Gaia

Gaia
xoves, 28 abril, 2022 - 10:00
Pazo da Cultura,
Narón
Espectáculo de danza infantil a cargo da compañía Entremans

Entremáns presenta unha peza didáctica para público familiar, Gaia. Realiza así o seu segundo espectáculo infantil, logo da boa acollida que tivo a nivel nacional o seu anterior espectáculo, Xoga.

Gaia afonda nun tema de suma importancia hoxe en día: o noso planeta.

Un proxecto no que a idea fundamental é achegar coñecementos desde unha óptica visual e imaxinativa.

O espectáculo vai dirixido a un público infantil e familiar, a partir de 3 anos, cunha linguaxe moi atractiva e sumamente coidada.

Gaia é un percorrido  singular no que a pintura, a música, o audiovisual e a danza axúdannos a descubrir e comprender a intensidade, o poder, e a beleza das características do noso planeta e os seus tesouros naturais.

Unha historia en movemento para descubrir as características da terra, os mares e a atmosfera así como a interacción entre as persoas e o medio ambiente.

Dirección, creación e interpretación: Kirenia Martínez e Estefanía Gómez

Máis eventos do ciclo Rede galega de teatros e auditorios

As que limpan
19 de maio, 20:15
Edificio Multiusos - Monforte de Lemos - Lugo
Libre coma os paxaros
19 de maio, 20:30
Auditorio Gustavo Freire - Lugo - Lugo
A formiga Icía
20 de maio, 18:30
Casa da cultura Pintor Llorens - Sada - A Coruña
A cazola de Lola
20 de maio, 19:00
Teatro Lauro Olmo - O Barco de Valdeorras - Ourense