Evento: II Premio de oratoria "Filomena Dato"
II Premio de oratoria "Filomena Dato"
En agosto do 2020, a Asociación Cultural Lisístrata convocou o II Premio de Oratoria "Filomena Dato", o primeiro que leva o nome da poeta, para alumnado dos diferentes ciclos do ensino e para centros públicos ou privados (Primaria, Secundaria, FP e Bacharelato) de Galicia e do exterior, coa intención de promover a expresividade e a expresión –poética, narrativa e discurso– do idioma galego e o feminismo, ademáis de render homenaxe á “poeta das Mariñas”, un dos escasos referentes da literatura feminina e feminista do s. XIX e a segunda escritora, despois de Rosalía, que publicaría un libro en galego nese século.
O tema deste ano será "mansplaining". No verán de 2020, convidaron á Real Academia Galega (RAG) a que inclúa este termo no seu diccionario.
O fin do prazo de inscrición, que se fará no correo electrónico filomena.dato.muruais@gmail.com, é o día 1/07/2021. Para máis información, pódense consultar aquí as bases.
O acto de entrega farase coincidir co domingo máis próximo ao 26 de xullo, aniversario do nacemento de Filomena (en 2021 será o 25 de xullo).
*O deseño e ilustración é obra do artista gráfico Iván del Río.
Máis eventos de tipo Outras actividades