Evento: Centenario da publicación da Revista Nós

Conmemoramos o centenario do nacemento da revista Nós cunha mostra que recolle unha selección dos libros da colección da biblioteca escritos polos membros da Xeración Nós, acompañada dunha exposición gráfica e audiovisual dalgúns contidos relevantes da revista.

O 30 de outubro de 1920 arrincaba en Ourense a revista Nós. Boletín mensual da cultura galega, un dos proxectos culturais decisivos da Galicia contemporánea.
Entre 1920 e 1936, Nós enfiou a tradición cultural galega coa modernidade e conectou o país cos movementos intelectuais da Europa do momento, e foi o órgano de expresión dunha xeración que marcou, co seu legado, o xeito no que comprendemos Galicia.*

Pode visitarse no vestíbulo da biblioteca durante o horario de apertura.

*[http://consellodacultura.gal/especiais/nos/olladas-sobre-nos.php]