Evento: Obradoiro de novela da Cidade da Cultura: O estilo

Obradoiro de novela da Cidade da Cultura: O estilo
venres, 18 setembro, 2020 - 17:30
Biblioteca e Arquivo de Galicia,
Santiago de Compostela

Obradoiro de novela da Cidade da Cultura: O estilo

Obradoiro impartido por Arantza Portabales

Arantza Portabales. Autora do libro de microrrelatos A Celeste la compré en un rastrillo, e das novelas Sobrevivindo, coa que gañou o Premio de Novela por Entregas de La Voz de Galicia, e Deixe a súa mensaxe despois do sinal (traducida ao castelán, italiano, alemán e hebreo, e levada ao teatro pola compañía Tanttaka) e Beleza vermella (traducida ao castelán e ao italiano)

Escribir é arte e tamén oficio. Require de vontade e de talento, pero tamén de ferramentas que poden ser aprendidas. Enfrontarse á páxina en branco –ou hoxe en día máis ben á pantalla– énchenos de preguntas: como creo personaxes interesantes? Desde que punto de vista conto a miña historia? Estou sendo artificioso nos diálogos? Aburrirei o lector/lectora? Que fago coa novela cando estea rematada?

Tras o éxito da primeira edición do Obradoiro de Novela da Cidade da Cultura (no que se cubriron todas as prazas en cinco días) reeditamos a experiencia cunha nova actividade formativa que se prolongará arredor de catro meses.

Neste curso aprenderedes a dar resposta a todas estas cuestións da man de escritores e escritoras galegas de éxito e co apoio dunha axencia literaria profesional, Rolling Words, que brindará a súa experiencia no mundo da edición.

O obradoiro estrutúrase en dúas partes, unha teórica e outra práctica. A parte teórica consistirá en 9 clases maxistrais que teñen lugar os venres. As clases comezaron o 6 de marzo e, tras verse na obriga da súa suspensión pola covid-19, retómanse do 4 de setembro ao 23 de outubro, de 17:00 a 19:30 horas na Biblioteca e Arquivo de Galicia. Cada unha porá o foco nun aspecto concreto da creación literaria e será impartida por autores e autoras especialistas no tema.

Máis eventos de tipo Obradoiro

Ludobiblio Cempés
23 de xuño a 5 de setembro
Biblioteca Pública de Pontevedra Antonio Odriozola
Obradoiros tecnolóxicos
23 de xuño a 14 de agosto
Biblioteca Pública de Vigo Juan Compañel
Actividades de verán Museo Massó
Obradoiros infantís
10 de xullo a 26 de xullo
Museo Massó
campamento_castrexo
Campamento castrexo
14 de xullo a 24 de xullo
Museo do Castro de Viladonga