Evento: A COVID19: O virus e o seu potencial epidémico

Esta sesión enmárcase no ciclo de conferencias sobre a COVID-19 organizado dende o Campus da Cidadanía da Universidade de Santiago de Compostela. Nesta ocasión, Mª Isabel Bandín Matos e Carlos Pereira Dopazo, do Departamento de Microbioloxía e Parasitoloxía, impartirán esta conferencia.

A asistencia a esta videoconferencia farase a través de MS Teams. Ao remate da mesma abrirase unha quenda de preguntas a través da sección de preguntas e respostas desta plataforma.

A USC organiza este ciclo de conferencias sobre a COVID-19 coa finalidade de aproximarnos a esta nova realidade dende unha perspectiva interdisciplinaria. Este ciclo contará cunha serie de expertos e expertas que nos ofrecerán a súa visión e análise crítica da situación actual, presentando as principais claves para entender este novo contexto que estamos a vivir. Alén diso, estas intervencións abordarán tamén o efecto que esta crise pode ter no futuro, aludindo aos distintos escenarios que se abren e ás súas consecuencias en diversos eidos: educación, cultura, economía, sistema de saúde, relacións sociais, política, bioseguridade, etc.