Evento: Tor en concerto

Tor en concerto
domingo, 5 xullo, 2020 - 22:00
Arca da Noe
, Vilar de Santos
Concerto de Folk céltico da Galiza

O repertorio do grupo componse de popurrís ou sets de temas instrumentais orixinais tomados da tradición galega, con especial atención aos gaiteiros e músicos do interior. A principal fonte é o traballo de campo do Arquivo Castro Vicente (Cástor e Félix Castro), e os seus fondos documentais e sonoros, centrados sobre todo na frauta de madeira e acordeón diatónico, así como en estilos de toque de gaita de comarcas pouco coñecidas como A Limia, Frieiras, e Navia entre outras.

Xunto coa liña melódica guiada principalmente por instrumentos da tradición galega como a gaita, a frauta de madeira, ou o acordeón diatónico,  e outros máis atípicos como a anglo concertina, a parte harmónica a completan o bouzouqui e o contrabaixo, conformando un son acústico, reelaborado dun xeito concordante cos traballos que se fan hoxendía no folk atlántico europeo.

Sets de muiñeiras, xotas, alboradas, pasacorredoiras e piruxaldas, sucédense con outros temas máis pausados como alalás, cantos de reis, valses ou mazurcas, tan propias do sur ourensán.

Compoñentes: Cástor Castro (frautas de madeira), Félix Castro (concertina, acordeón diatónico, gaita galega), Xosé Liz (bouzouki) e Álvaro Iglesias (contrabaixo)

Outras datas

Máis eventos do ciclo Rede galega de música ao vivo

Udra en concerto
10 de xullo, 23:30
A Ventana
Cora Velasco en concerto
10 de xullo, 23:45
Pub Gatos
Sandra Calderón e Flamenco Band en concerto
11 de xullo, 22:00
Sala Garufa Club
Cora Velasco en concerto
11 de xullo, 22:30
La Fábrica de Chocolate