Evento: Los Farsantes

Cun pé no rock electrónico e outro na world-beat music, Los Farsantes caracterízanse por un directo cheo de atmosfera e baile: drum &bass, techno-house, funk-hop, dub, roots music. Unha banda diferente cun directo emocionante, inquietante e cheo de enerxía, disposta a facerche vibrar nestes tempos de ruído, mentiras e partículas subatómicas.

A banda sevillana Los Farsantes, foi elixida gañadora do concurso de versións do album London Calling de The Clash convocado por Radio3- Radio Nacional de España. O tema Vou, papito é unha versión de Brand New Cadillac, canción orixinal de Vince Taylor incluída no album London Calling. Realizan unha lectura en clave revanchista dos estereotipos do rock´n roll, que desborda vitalidade, groove e transgresión na forma de abordar a revisión dun clásico.