Evento: Romaría Vikinga

Romaría Vikinga
luns, 1 agosto, 2022 a domingo, 7 agosto, 2022
Varios espazos,
Catoira

Romaría Vikinga

A Romaría Vikinga de Catoira é unha das celebracións máis singulares e coñecidas en Galicia.

A Romaría Vikinga celébrase nas Torres de Oeste, situadas na beira do río Ulla. Os viquingos que nos séculos IX e X chegaron a Galicia con intención de saquear as nosas terras atopáronse coa resistencia das tropas do Castellum Honesti, que impediron durante esa época o ascenso polo río dos exércitos normandos e dos piratas sarracenos, ata o punto de ser considerada esta fortaleza a «Chave e selo de Galicia».

Pasaron máis de mil anos, e as tornas cambiaron. Agora os catoirenses e milleiros de persoas chegadas de todos os recunchos, amoréanse en torno ás Torres para darlles a benvida aos bárbaros. A violencia, o terror e o odio transformáronse nunha divertida festa de convivencia na que os temibles guerreiros nórdicos invaden pacificamente o castelo, e, desta vez, a sede non é de sangue senón de viño tinto do Ulla. A música folclórica e a gastronomía son elementos fundamentais nesta romaría.

Nun mercado ambientado na época medieval ofrécense aos visitantes os máis variados produtos: os mexillóns e o polbo, por suposto, imprescindibles.

Máis eventos de tipo Festa/Feira popular

XXVII Semana Cultural de Nigrán
9 de agosto a 12 de agosto
Praza da Carrasca
Mostra do mel do Val de Quiroga
10 de agosto
Varios espazos
Festas Patronais de San Lourenzo
9 de agosto a 15 de agosto
varios espazos
Feira dos Santos
30 de xaneiro a 1 de novembro
varios espazos