Evento: DISTRITO15002

DISTRITO15002 é un proxecto de mediación cultural do Departamento de Didáctica do Museo de Belas Artes da Coruña, que nace co obxectivo de dar a coñecer a historia e o patrimonio do museo e da cidade. Unha oportunidade para descubrir, explorar e compartir xuntos/as a cidade a través da súa cultura e da súa historia.

A través das catro xornadas teremos a oportunidade de coñecer:

• O antigo convento das Capuchinas, a historia e a arquitectura do Museo de Belas Artes, así como a súa colección.
• A evolución urbanística da cidade nos últimos douscentos anos a través de diversos documentos: planos, fotografías, cadros, proxectos, etc.
• Como era o ocio e a actividade cultural da Coruña.
• O papel da muller e a súa situación na vida cotiá da cidade.