Treixadura constitúe, desde 1990, un espectáculo musical sorprendente. A música tradicional desde dúas concepcións: o canto e a gaita.

Durante ese tempo o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, tentando elevar a interpretación da música tradicional ao máximo nivel artístico e escénico.

Ao longo da súa traxectoria son moitas as melodías que rescataron do anonimato e outras tantas creadas para que a cadea de transmisión da música tradicional continúe viva.

Unha maneira de facer cunha personalidade moi característica, de enlazar a raíz musical da nosa cultura coa maneira de entender hoxe a música tradicional.

Treixadura está formado por: Toniño López: tambor e pandeireta, César Longa: acordeón, Paulo Nogueira: gaita e percusións, Magoia Adega: gaita e bombo, Xaquín Xesteira: gaita e percusións.