Evento: Arnoia, Arnoia. O circo da casa pequena

Pistacatro, en coprodución co Centro Dramático Galego (CDG), presenta o seu novo proxecto, un espectáculo de teatro-circo que dirixe Quico Cadaval e que está baseado na peza de Arnoia Arnoia de Xosé Luís Méndez Ferrín e no imaxinario do autor. 

A obra presenta a historia de Nmonadah, adolescente que con 16 anos perde aos seres queridos nunha guerra. Nmonadah deberá iniciar só un camiño asexado por perigos que adquiren as formas luminosas e inquietantes dos artistas de circo: acróbatas, malabaristas excéntricos, escapistas, faquires, aeristas e clowns.

Os espectadores interesados en afondar no proceso de creación e posta en escena desta nova peza de Pistacatro terán, ademais, a oportunidade de conversar ao respecto co equipo artístico no encontro que se desenvolverá ao finalizar a función de tarde do xoves 18. O espectáculo está recomendado para todos os públicos, a partir dos 10 anos de idade.

Ficha artística

Elenco: Ánxela Blanco, Aitor Garuz, Pablo Reboleiro, Álvaro Reboredo, Beatriz Rubio

Produción: Belém Brandido/José Expósito

Escenografía/Iluminación: Baltasar Patiño

Vestiario: Carlos Alonso

Axudante de dirección: Marcos Ptt Carballido, Clara Gayo

Música: Xurxo Pinheiro

Fotografía: Rubén Vilanova

Deseño imaxe: Juan Gallego