Evento: Editatona

  • Editatona
  • Editatona
martes, 20 febreiro, 2018 - 09:00
Biblioteca Concepción Arenal
, Santiago de Compostela

Editatona

Mellorando a visibilidade na Wikipedia das pioneiras científicas da USC

 Aínda que o Día da Muller e a Nena na Ciencia é cada ano o 11 de febreiro, as actividades ligadas non se limitan só a esa xornada. A Biblioteca da Universidade de Santiago de Compostela, en colaboración coa Oficina de Igualdade de Xénero e a Galipedia, convocan unha Editatona, un día para mellorar a visibilidade das mulleres científicas na Wikipedia en galego. 

O obxectivo principal é o de mellorar a presenza e a cobertura na enciclopedia online das mulleres científicas pioneiras da USC. 

Os requisitos para participar son sinxelos. Hai que apuntarse na lista de participantes, tanto se se traballará dun xeito presencial na biblioteca como dende calquera outro lugar; contar cunha conta de editor da Wikipedia, que pode ser feita para a xornada; e, a ser posible, aportar material biobibliográfico sobre as mulleres científicas. Os artigos terán que ser escritos  seguindo a normativa oficial da RAG.