Evento: O primeiro elepé vigués

O primeiro elepé vigués
sábado, 3 marzo, 2018 - 21:00
Teatro Afundación Vigo,
Vigo

O primeiro elepé vigués

Músicos galegos en concerto polo Pergamiño Vindel

Unha representación de músicos locais e do resto de Galicia serán os encargados de poñer voz e melodía nesta homenaxe ao “primeiro elepé vigués”, o Pergamiño Vindel. Farano interpretando as súas propias cancións, a música que sete séculos máis tarde ocupa diversos soportes: os pergamiños contemporáneos.

Un concerto co que celebrar o texto fundacional da lírica galaico-portuguesa, antes da súa marcha de Galicia, e homenaxear a esta nova xeración de trobadores da terra. 

Presentados pola compositora e cantante Lydia Botana, polo concerto pasarán artistas veteranos, case cronistas sociais do tempo da movida como o guitarrista Pablo Novoa, Nicolás Pastoriza ou Víctor Aparicio. 
Os herdeiros directos da movida estarán representados por dous dos nomes propios da música española durante os noventa, Iván Ferreiro e Amaro Ferreiro; a violonchelista Rosa Cedrón, voz durante os seus primeiros anos con Luar na Lubre; e a gaiteira Susana Seivane. 

Da etapa de cambio de século, teremos a presenza doutro activista da música viguesa, Eladio Santos, revisionista da canción popular galega e do pop internacional, con proxectos como Medusa ou Eladio y los Seres Queridos. 

Por ultimo, tamén estará representada a xeración máis actual, coa cantante de soul Wöyza, a viguesa Patricia Moon e Lucía Martínez, a baixista de Agoraphobia. 

Máis eventos de tipo Concerto

Atardecer no Gaiás 2022
7 de xullo a 26 de agosto
Lugar de la Ciudad de la Cultura
Música en Compostela - LXIV edición
1 de agosto a 14 de agosto
Costa do Cristo
Magín Blanco e a Banda das Apertas
12 de agosto
Área da piscina municipal
Uxía lambona e a banda molona
12 de agosto
Praza do Concello de Trabada