Evento: Xeixos

Presentación a cargo do propio autor, Suso Lista, e do editor Miguel Toval, dentro do programa de encontro entre lectores e autores en Venres nas librarías.

Moi duro debe resultar o inverno en Corme para que o seu cronista principal sexa un percebeiro que un bo día, vendo a resignación da xente na terra, decidiu ollar para este lado e contarnos o que acontecía. Nos trinta relatos do libro desvélase o mundo enteiro.

Suso Lista Neira (Corme, 1.962) é actor, guionista, director radiofónico e docente teatral. Participou en series de TV como Mareas vivas, Padre Casares e Libro de familia ou películas como Celda 211. En 2.014 publicou "Salseiros", o seu primeiro libro de relatos, que acadou a segunda edición nesta editora ese mesmo ano, foi seleccionado entre os mellores libros do ano polos lectores da web Fervenzas Literias e resultou finalista do Premio Ánxel Casal ao mellor libro de ficción que concede a Asociación Galega de Editores.