Evento: Oh!

Nun mundo feito de libros, alguén ordena ringleiras perfectas nunha rutina acompasada, sen fendas. Un volume, outro, outro máis… Ata que un día, un libro cae e con el derrúbase a orde: comeza así unha viaxe inesperada guiada polo desexo de ver o mar.

Oh! é o novo espectáculo de AsSircópatas, unha peza de danza e circo para público familiar con música en directo. Un universo onde a escenografía se transforma e acompaña cada descubrimento. Unha viaxe sorprendente que nos lembra que, ás veces, abonda un pequeno xesto para que todo cambie.

Ficha artística

Autoría: Dani Blanco

Dirección: Paula Quintas e Arturo Cobas

Escenografía: Salva Neira

Vestiario: María Dobronich e Alicia Root

Música: Nerea Carpente e Alicia Root

Coreografía: Paula Quintas

Elenco artístico:

Dani Blanco - actor

Nerea Carpente e Alicia Root - músicas en escena